今屆立法會重有唔夠十日就投票，前晚李鵬飛幫手主持九東嘅論壇，八方專程去趁吓高興。九東有大班、梁家傑、李華明，又有陳婉嫻同陳鑑林，梗係火爆，場外不時噓聲四起，飛哥就不以為然，話同上屆冇乜分別，但反而為梁家傑太過斯文有禮而感到頭疼，都唔知問佢啲乜嘢先可以擦出火花。
不過當晚除咗大班多人鼓掌，有位場外街坊不斷大叫梁家傑有智慧，要投佢一票，唔知大狀有冇聽到。
梁家傑嘅助選團亦唔輸蝕，兩位候選人余若薇同吳靄儀都有嚟同佢打氣，華叔就親自嚟撐肥仔明，真係星光熠熠。
飛哥雖然喺封咪一役搞到好唔開心，但係呢幾晚又成個生猛番晒，問題尖銳不在講，佢更完全唔卸老董，笑保皇黨出事皆因個「皇」唔掂，老董唔知聽唔聽到。
（圖）飛哥（左）話梁家傑太斯文，爆唔出火花。
傳真︰2623-9278
電郵︰