九龍東選情好戲在後頭，前晚直選論壇已經火花四濺，由於選情緊湊，大班連港姐老婆勞錦嫦（圖）都擺上台打溫情牌；大班心戰室要員爆料，其實大班最初打算搭膊頭搵林旭華同梁文道站台，不過智囊評估形勢後，認為大班喺秀茂坪邨俾人圍會有同情分，就建議大班悲情啲，大班初時都唔多情願，事關本來想老婆下星期先壓軸出場。
不過噚日突然爆出陳婉嫻租工聯會物業做辦事處事件，大班心戰室評估嫻姐個勢可能轉弱，即刻拍板提早出動鄭太搶女性選票，軍師寫咗篇情辭並茂嘅文章畀鄭太勞錦嫦同陶太孔令瑜讀，不過鄭太可能已經唔習慣上鏡有少少怯場，始終背唔熟篇文，結果由孔令瑜唱獨腳戲，勞錦嫦粒聲唔出，繼續做大班身邊的小女人。
傳真︰2623-9278
電郵︰