有國寶爺之稱的財政司前司長梁錦松，最近頻頻亮相，繼「參演」中央電視台攝製嘅伏明霞特輯外，昨又罕有地高調出席京港經貿洽談會，久違的阿松獲北京市政府邀請，坐在主禮台上發言，睇嚟佢已經洗晒底，出山可期。
八方昨日所見，結上黃色領呔的梁錦松，容光煥發，進場時被大批攝記包圍，鎂光燈狂閃，彷彿財爺駕到般風光。大會主持乃高盛紅人胡祖六，介紹到阿松時，居然用上「香港知名人士梁錦松」，引起一陣笑聲。
茶休時間，大批記者圍着阿松訪問，佢亦滿面笑容來者不拒，派發私人名片，對於寶哥哥話佢有機會競選第三屆特首，佢先是一輪令狐沖式大笑，然後就笑瞇瞇說：「梗係唔係啦！」
問到是否重出金融界，佢話𠵱家完全享受人生及陪伴家人，冇諗過下一步工作，重話個女司渝歲半，呢個年齡好好玩，年底又要迎接第二個小朋友出世，總之生活好好云云。
（圖）阿松話同小伏及囡囡完全享受人生，年底要迎接第二個小朋友出世，冇時間選第三屆特首。
傳真︰2623-9278
電郵︰