蒙嘉慧上月到法國參加友人的婚禮，她在沙灘看見很多女孩子無上裝游泳，原本心思思想試，但因被人點相，所以臨陣縮沙。
蒙嘉慧（YoYo）早前與一班圈外朋友出發到法國旅行十日，此行她主要獲朋友邀請參加婚禮，亦順道滿足自己的購物慾，短短十日內滿載而歸。
問YoYo置裝花費多少，她說：「我去到都過咗減價潮，所以比較貴，買冬季衫都買咗成十萬蚊，其實平時自己喺香港一萬蚊件褸都未必會買，但係過到去就唔同，除咗鍾意之外，又怕香港冇得賣。」
YoYo對法國出名的鵝肝醬亦愛不釋手，她說：「我諗近排我一定膽固醇過高，因為買咗好多鵝肝醬，之前返內地拍電影，我朝朝都鵝肝醬做早餐。」
YoYo自言今次法國之旅未有豔遇，主要因為她的目光集中於購物上，但依然大開眼界，她說：「喺沙灘度好多女仔都冇上裝游水，我原本都想試吓，點知去到沙灘，聽到有人話『呢個咪蒙嘉慧』，搞到我都唔敢試。」
此外，YoYo早前在內地拍攝電影《我阿媽發仔瘟》，首次與薛家燕及孔慶翔（WilliamHung）合作，她說：「家燕姐比後生仔女重風趣，同佢合作好開心，WilliamHung都好專業，佢重好乖仔，好聽佢阿媽話。」
採訪：王崇穎
