泛民主派喺大選前夕四處告急，大律師湯家驊病咗都冇得叫停，噚日湯大狀同太太Daisy雙雙出現喺將軍澳地鐵站，同選民握手，最後衝刺。
八方問湯大狀，身體如何？佢話已經好番好多，只係喉嚨仍然好唔舒服，可能嗌咪太多。不過，點都好，重有好短時間就投票，加上好多義工都返回校園，幾唔舒服都要頂住，湯太為咗支持丈夫，亦請大假幫手派傳單。
湯太話，噚日佢兩夫婦大清早七點鐘就企喺度，朝七晚七，啲市民都奇怪，問佢哋點解咁勤力？湯太好簡單回答，「為咗表示誠意。」滿面是汗嘅湯太重話，為咗香港同香港人，佢支持丈夫到底，請投湯狀一票。今次湯狀夫婦同心，肯定其利可斷所有謠言。
（圖）湯太（中）請大假走上街頭幫老公派傳單，真係情深義重。
傳真︰2623-9278
電郵︰