香港民主發展網絡本來喺星期日，即係八月二十九日喺中環遮打道舉行一個自由夢音樂會，但係因為天雨關係被迫取消，改咗喺呢個星期六，即係九月四日下晝三點喺維園草地舉行。
負責人朱耀明牧師話已經問過天文台，呢幾日都會天晴有太陽，應該唔使再改期，今次改一改，佢無端端唔見咗幾萬蚊地鐵廣告費，真係慘情，因為佢哋已經冇乜錢。
另外，由於改期，陳日君主教撞咗其他活動時間嚟唔到，要先錄影，到時喺大會播，陳主教唱拉丁民歌，都係第一次聽，值得捧場。嘉年華會由三點到六點，之後係音樂會，毛孟靜、林旭華、梁文道同司徒華都出席，都幾好玩。
傳真︰2623-9278
電郵︰