自從劉千石喺7.1前同中方發出善意態度之後，佢嘅行蹤都十分飄忽，立場亦好不明朗。
八方聽聞佢上個星期六又返咗廣州睇阿媽，所以又係同民建聯馬力一樣，好多論壇都唔見佢阿哥出席，大家就冇法公開向佢提出質詢，究竟佢重當唔當自己係民主派呢？因為連曾鈺成都稱石哥做朋友，睇怕佢已經算親中多啲。
八方問阿石之友李卓人，阿石幾時返港？佢都話講唔清，不過相信一定呢幾日會返嚟，因為選舉在即。聽講，阿石嘅阿媽身體好好，今次回鄉只係家中有事，乜嘢咁重要等阿石出現就有分曉。
今次選舉都好騎呢，既冇好議題，亦冇大火花，大家都異常小心，步步為營，候選人又可以唔出席公開論壇，連面對傳媒同選民都可以避，又真係奇怪。泛民主派集體杯葛無記一事雖然有原因，但係有行內人士都覺得唔應該，安排有欠妥善係一件事，始終有機會曝光，都應爭取。
傳真︰2623-9278
電郵︰