差啲被殺校嘅鮮魚行學校噚日舉行別開生面嘅開學禮，除有學生舞龍助興外，重請咗民建聯前主席曾鈺成出席儀式。校長梁紀昌話喎，美國前總統克林頓中學成績麻麻，但當年佢把握咗一個機會，同前輩級嘅總統甘迺迪握過手後，就誓要做個傑出領袖，結果克林頓終於可以入主白宮，重連做兩屆總統。
所以，梁校長呼籲學生趁呢個機會，同曾鈺成握握手，希望可以有朝一日做領袖。不過，啲學生唔知係唔係未瞓醒，對曾經做過行政會議成員嘅曾鈺成反應麻麻，握手嗰陣個個都木口木面，冇乜笑容。
（圖）學生同曾鈺成握手時，個個木口木面，好似唔多願意咁喎。
傳真︰2623-9278
電郵︰