工商及科技局局長曾俊華雖然冇其他高官咁多人認識，但係有鬍鬚仔之稱嘅曾局長其實喺度默默耕耘，呢個星期更加穿梭於北京、香港、上海三地辦公。
星期二，鬍鬚仔啱啱率領完七十個商會組成嘅香港工商及科技界北上交流訪問，喺北京同天津兩頭走，俟晚就急急趕回港，原來係返嚟出席噚朝嘅香港鐘表展2004開幕禮，做主禮嘉賓，轉個頭噚晚又飛咗去上海，參加香港中華廠商會為慶祝成立七十周年，喺當地搞嘅2004香港工展會揭幕禮。
今次係廠商會首次移師上海，目的係想向內地推銷香港嘅品牌，有成一百家參展商，數得出嘅名牌都喺晒度，好似雅芳婷、駱駝漆、余仁生、南順、李錦記、位元堂、天廚、中銀、滙豐、九鐵、美聯物業等。當然除咗選我最喜愛的香港十大名牌之外，重有工展小姐啦。
傳真︰2623-9278
電郵︰