入學攻略：
精靈BB去面試臨走記得講再見

每位家長都希望能為子女及早鋪路，由入讀幼稚園開始，到小學、中學……因此若能考上「一條龍」幼稚園，往後的日子便不用再頻頻撲撲。可是，小寶寶要入讀名校，還須通過一次又一次的面試，想他在11月幼稚園面試高峯期中，有最出色的表現？不妨參加專為精靈BB而設、綜合多間著名幼稚園面試內容的面試班。

記者︰陳漢威　攝影︰伍慶泉
Model︰Casen、Mercuy（RichStrategy）
鳴謝︰維思教室提供資料及場地

熟習考試形式提高適應能力
「為咗準備面試，好多家長喺小朋友歲幾、未太識講嘢嗰陣已經帶佢哋嚟上堂。我哋先會慢慢教佢哋做啲簡單嘅動作、分辨顏色同物件、手眼協調，再逐步教佢哋講自己個名、幾多歲同自己嘅性別。」幼稚園面試班教師MissLam指出，許多孩子面對陌生人時會不適應，以致面試時大失水準。「我哋首先會訓練小朋友適應咗嗰種面試形式，然後再一步步轉換其他教師同環境，令小朋友適應能力提高，提升面試表現。」

考試3部份別講BB話
「家長平日教導子女要有禮貌、唔扭計、有問必答、不要講BB話，例如要正確講出是狗，而不是汪汪。」MissLam表示，由於幼兒面試時只有兩歲多，校方的提問不會太艱深，過程亦只有5至10分鐘。「面試一般分為三個部份：1.口試，主要問小朋友姓名、年齡、性別，考吓小朋友對答；2.配對，例如將唔同形狀積木，配番相同嘅窿；3.辨認，老師會攞出一啲圖片，例如汽車、蘋果等，叫小朋友指出正確嘅圖片。」

熱門試題曝光
問家長︰
1.為何報讀此校？
2.誰照顧孩子？
3.平日帶子女到哪裏玩耍？
4.對子女有甚麼期望？
5.想我們教甚麼給小朋友？

問孩子︰
1.你叫甚麼名字？
2.今年幾歲？
3.你是男孩還是女孩？
4.乘甚麼車來？
5.誰帶你來？

報名小貼士
1.留意招生日期︰一般學校都會在開學前一年的9-12月，或該年的1-2月開始招生。
2.上網索取表格︰報名表格除了可以郵遞方式或親臨學校索取外，部份還可上網下載。
3.預早取表格︰著名幼稚園報名人數眾多，報名表格可能會在一兩天，甚至一個早上派光。
4.留意報名日期︰除了派表日期，截止報名日期也非常重要，以免逾期仍未遞表，弄致望門興歎。

面試班資料
幼稚園面試班（23374218）
主辦機構︰維思教室
內容︰面試禮儀、應對技巧、自我了解、家庭及日常常識等
上課時間︰逢星期一、五　費用︰$2,800（共16小時）


幼稚園面試培訓班（25879001）
主辦機構︰香港天才兒童藝術協會
內容︰面試應對能力、禮儀、訓練分辨顏色及形狀、群體生活等
上課時間︰逢星期六　費用︰$2,400（共16小時）

精英模擬面試精讀班（23753882）
主辦機構︰ChurchillChamber
內容︰基本禮貌及禮儀、待人接物及應對、調適羞怯或過度活躍等
上課時間︰逢星期六　費用︰$2,500起（須經校方評估，共9小時）