張曼玉接受最新一期《JET》雜誌訪問時，透露曾想過生小孩，張曼玉說：「我有諗過生仔，又諗過都係唔要，因為𠵱家我想做乜就去做，但如果有咗細路仔，我就唔可以丟低佢三個月。如果佢跟我去拍戲，我怕自己會唔投入。
「𠵱家生活咁精采，都係唔要細路仔啦，但未到最後一分鐘亦好難講，若我𠵱家有咗，我一定會要，但我唔會計劃去要BB。」
張曼玉表示會將生育計劃押至四十五歲才作最後決定，她說：「其實一直想要baby，但睇到911事件，睇news，我就突然有好大感覺，唔想帶多個人嚟呢個世上，因為呢個世界太惡劣，人點解可以咁自私。
「我會順其自然，到四十五歲先至會有finaldecision（最後決定），我有諗過領養，如果經濟能力可以，我會領養幾個。」