電視廣播公司（TVB）昨日公布半年業績，雖然二十四小時開台嘅銀河衞視蝕本，但其他各瓣生意都好掂，成盤數計仍然大豐收，同沙士時比較更係天共地。事實六個月做十七億生意毛利八億，股東應佔純利兩億一千七百萬足足升四成，真係好理想。
業績咁好，唔知幾時有人工加呢？八方聽聞，TVB新聞部有位靚女主播，考到政府工，將會去為市民服務。六叔同方小姐應該關注吓，咁好嘅人才，流失咗真係損失㗎。
講開主播，有線電視亦有一位靚女主播唔撈，今日最後一Day。
八方聽聞佢會轉去一份財經報紙專心做記者。真係唔明，做報紙要寫稿，寫稿好辛苦啫。
傳真︰2623-9278
電郵︰