十八區都有親戚朋友嘅八方噚日收到新界東候選人曹宏威嘅單張，曹博士驚死人哋唔知佢係人肉百科，輯錄埋啲「手機放褲頭會否減少精子數目？」嘅解答傳媒剪報喺單張度，又摷番自己個戇直少年樣出來，甚麼「睨視馬鞍山」、「衝刺馬料水」、「拖手白沙灣」，八方睇完笑到四肢抽搐。
新界東嘅選民好幸福，呢區啲候選人要騎呢又得，要嚴肅又得。長毛搵埋近代偉大文人魯迅幫手拉票，喺單張度引述咗魯迅一九二五年嘅作品《忽然想到》，借喻自己「敢怒、敢罵、敢打」。
長毛嘅文學修養都有番咁上下，佢話晒都係金文泰中學出身，寫宣傳單張都算有紋有路。
當然呢區重有位黃宏發前講師，同曹博士一樣係中大，所以戰況激烈。
傳真︰2623-9278
電郵︰