十二位候選亞姐昨日會見大會儀態顧問楊崢，向她學習防走光方法和一些基本餐桌禮儀。楊崢直言佳麗們化妝太濃，令人看不清楚她們的真面目。
十二位候選亞姐連日來馬不停蹄接受大會安排的課程，學習儀態、談吐和化妝。昨日她們在尖沙嘴一間高級餐廳出席宣傳活動，大會還安排了儀態顧問楊崢親自教路，即場向她們示範防走光的方法和餐桌禮儀。
楊崢揀選了幾位候選佳麗示範，其中1號馮梓瑩最主動，成功吸引楊崢的注意。楊崢首次會見十二位候選亞姐，她覺得十二位佳麗水準平均，其中1號馮梓瑩、6號王慧和12號黃淑玲較為突出，楊崢說：「我就覺得選美都係高好啲，同埋要執正佢哋嘅口音。」
而眾候選佳麗昨日身穿粉色吊帶裙，但她們化了極濃的娃娃妝，楊崢忍不住說：「佢哋今日個妝有啲問題，可能係太濃嘅關係，所以唔係好睇得清楚佢哋個樣，其實可以化淡啲。」
不過12號黃淑玲則表示相信大會化妝，她說：「我唔會申訴嘅，因為做佳麗冇權做呢樣嘢，同埋參加就要相信大會，不過我做慣model，都習慣咗化咁濃嘅妝。」
採訪：楊潔雯
攝影：陳志嵐
