葉璇、黎姿、曹敏莉和古巨基等前晚以誇張髮飾，為髮型大賽行天橋。剛主持完雅典奧運返港的葉璇夾胸上陣，與身穿短裙而春光乍洩的黎姿，在芸芸嘉賓中最搶鏡，引發連場火併。
葉璇、黎姿、原子鏸、楊思琦、曹敏莉和古巨基前晚在灣仔會展，代表HairSalon為「威娜世界潮流造型大賽」表演，髮型騷以「HairBoutiqueHotel」為主題，眾星化身酒店住客，大騷古怪誇張髮飾。
其中黎姿以全綠貴婦造型亮相，拖着小狗、並駁上巨型螢光綠假髮的她穿上迷你裙，更多次洩春光。
黎姿事後解釋說：「係短褲，唔係底褲嚟，成套衫係大會安排，原本條打底褲係綠色，但襯唔番就改用肉色，我已經着咗兩條褲，計埋就三條喇。你哋唔好掛住望我下面，我坐咗幾個鐘頭至完成駁髮㗎！」
而近日的風頭躉葉璇則以一頭藍髮和性感低胸裝上陣，提到她主持奧運時是非多多，包括被指「電」田亮，她即面露不悅地說：「你邊隻眼見到？我覺得整體係有讚有彈，中央台都有讚我。」不過葉璇承認曾與田亮擁抱，以及為坊間的批評而不快，葉璇說：「我做到身水身汗，又俾人冤屈，好彩高層讚我稱職同進步快，監製私底下叫我做○八奧運主持。」
問葉璇會否以類似主持方式去做下屆奧運時，她說：「睇公司要求啦，今次我都唔覺自己似fans，我投入自己嘅情緒，我有中國情意結，表達最真嘅一面啫。」葉璇又盛讚與她傳不和的方力申是年輕歌手中最有風度和最體貼的。
採訪：梁錦雯
攝影：陳志嵐
