應采兒昨日在灣仔君悅酒店，擔任法國護膚品牌JoseEisenberg發布會特別嘉賓。穿上tubetop襯牛仔褲的應采兒充滿青春氣息，連外籍高層都忍不住一親香澤。
應采兒月底將赴印度，與鄭中基和劉青雲拍攝電影《印度西施》，她說：「我就做嗰個西施，不過我唔似印度人，又好怕食咖喱同薯仔。」印度的環境及衞生較香港差，問她如何準備？她說：「我會打定三支防疫針，𠵱家開始要做吓運動、多啲休息，keep好啲先去，我重會帶定大堆礦泉水同即食麵，怕水土不服。」有傳其緋聞男友陳冠希遭杯葛，應采兒對此說：「佢份人一向好真，鍾意同唔鍾意都表現晒出嚟，可能佢細個啦。」
採訪：IngridChan