八方睇今屆奧運跳水項目，諗起跳水皇后當年嘅風姿，噚日睇無綫嘅「180度轉睇伏明霞」，終於見到年輕時小伏嘅樣子，睇到佢當年點樣艱苦訓練。
小伏𠵱家同老公前財政司司長梁錦松、乖女、佢父母都住喺淺水灣豪宅；八方覺得佢重好靚女，但確實係冇咗運動員嗰種堅毅感覺，反而多咗份母親嘅溫柔，當佢講起自己個女Amy時笑得好甜，好冧咁講：「我媽說我小時候比較乖，她（女兒）脾氣大。」重有個女嘅玩具亦好多，佢以前就冇。
咁小伏雖然嫁咗個香港貴人，但係原來𠵱家重攞緊雙程證，每三個月要返北京公安部門簽證，真係好辛苦。
小伏話自己現時已經不要名又不要利，平日佢鍾意去跑馬地買吓餸同煲吓湯，重有買生果畀個女食，真係返璞歸真。
（圖）小伏陪個女返幼兒園，覺得好幸福。電視圖片
傳真︰2623-9278
電郵︰