運動熱潮停不了！除了剛閉幕的奧運帶來熱潮，其實近年政府也積極推廣運動，加上愈來愈多人注重健康，運動已成了每個人生活的一部份。不過，無論是否運動員，也難免遇到意外或受傷，因此大家也開始意識到處理運動創傷的重要性，也希望從進修中，成為這方面的專家。
記者︰陳漢威
攝影︰陳陶鈞
「當年做體操運動員嗰陣，差不多成身都有傷，條腰經常都會整親，學咗呢個課程之後，對運動創傷了解多咗，除咗可以令啲學生無咁容易受傷之外，亦都令自己嘅舊患好番好多。」Becky在1986年曾代表香港參加漢城亞運，現時擔任英基學校協會藝術體操教練，縱使已擁有急救、心肺復甦等證書，但她仍繼續進修不同的運動課程，增值自己。
「本身我正修讀一個健身教練嘅高級證書課程，不過如果可以加埋呢張證書的話，會令自己嘅競爭力大啲，希望將來可以喺健身教練呢個行業發展。」Becky笑說，現時已參與健身教練的工作，到私人健身室代課，收入亦頗為可觀。
「最勁嗰次試過成個人瞓喺張床度起唔到身，嚇到我成身大汗。」阿文是典型的運動狂，自小已喜歡無時停，足球、游水、跑步等運動無一不精，但亦是長年累月的勞損，令他全身傷患。「學呢個課程最好嘅地方係可以幫到自己，慳番唔少睇醫生錢。」他笑說，這個課程讓他認識了許多運動創傷的預防及治療方法，讓他可以避重就輕，減少受傷的機會。「𠵱家好多玩運動嘅朋友都會問我意見，幫到人真係好開心。」
「玩運動嘅人都經常喺無意之中令自己受傷，有時擦傷、有時扭親，所以識得處理運動創傷對教練嘅工作會有好大幫助。」亞洲運動及體適能專業學院（AASFP）導師Jacky表示，修畢運動創傷處理的學員一般都較易獲聘私人健身教練，愈多學生收入便愈多，以每小時$500-$1,000的收入計算，實在相當可觀。「嚟健身嘅學生經常都會問一啲關於運動創傷嘅問題，例如扭親時如何應付等，如果無番咁上下知識，真係會俾佢哋問到口啞啞。」
運動創傷處理證書課程
主辦機構︰亞洲運動及體適能專業學院（AASFP）
內容︰運動創傷後的處理方法、肌肉適能訓練、基本物理治療技巧、柔韌性訓練等。
開課日期︰待定（約年底）
費用︰$3,700（共27小時）
查詢︰25789877
＊申請者必須持有AASFP運動及體適能科學基礎課程證書
運動醫學與創傷治理證書課程
主辦機構︰國際護脊學院
內容︰針對十字韌帶、網球肘、肩膊痛或腰肌扭傷等病例、症狀及各種檢查及治療方法等。
開課日期︰11月2日
費用︰$980（共8小時）
查詢︰81000307
