又話大眼睛有眼圈、眼袋係定律，點解剛復出的一代玉女周慧敏，雙眼仍然電力充足，幼紋都難搵？天生娃娃面兼皮膚白皙，就連通宵奧運節目都對Vivian無乜影響，天生麗質當然令人羨慕，但護膚貼士點都會有一、兩個，可以醒吓我哋呢班熊貓眼！
記者：梁珮瑜 攝影：周旭文（人物）、蔡鴻雯（產品）
眼霜+眼膜唔好慳
Vivian護膚之道最緊要簡約，做足基本的清潔、滋潤，間中做磨砂及面膜已經好夠，事關佢最怕浪費時間，寧願照顧貓狗好過。「做得太多，反而令皮膚更疲累。記得配合天氣環境，轉用不同護膚品便可。」而靈魂之窗最易透露年齡秘密，所以眼部保養亦好重要。「眼部每日用塗眼霜，每星期做一至兩次Eyemask係必須。」
資生堂Revital系列的最新眼部抗皺修護膜，全球首創將有高度抗皺功效的純維他命A，轉化成穩定的液體形態，用於高效滲透的維他命A精華膜。Vivian：「睡前敷眼膜，第二日就無晒幼紋，而且嘴唇都用得。」
資生堂RevitalWrinkleliftAA含氨基酸及維他命A等，有效促進新膠原產生、有助粗糙及乾燥的皮膚更新、減退幼紋。「我最怕複雜，呢支產品眼同唇都用得，簡單方便！」
眼部化妝只要Earthtone
Vivian的化妝之道係「簡單就是美」，最緊要就係有自信。絕少化妝的她，出街妝備只有眼霜、面霜、粉盒及唇膏。如需要化妝，眼影亦只會揀啡、藍或綠色。
「粉紅或紫等眼影，會令眼睛睇落浮腫，藍或綠色會顯得較精神。再配襯淡色唇膏，Earthtone化妝係我至愛。」
熱毛巾敷眼急救浮腫
大眼睛Vivian自言皮膚問題不大，但眼部不時會有浮腫問題。敷Mask或用冰袋敷可以急救？她有更有效的方法：「我會用熱毛巾敷眼，急救浮腫眼袋，比用冰敷快2至3倍見效！」
Biotherm眼部精華減幼紋
眼部水元素激活精華含鎂、銅、鋅等礦物等成份，高效紓緩、保濕及修護，有效減少幼紋。感覺好清涼，快速吸收，用後好滑、好保濕。
NoPuffery去浮腫冰涼眼膜含酵母、蘆薈、青瓜等植物精華，有效消除浮腫、減淡黑眼圈及紓緩眼部疲勞。感覺十分清涼，有效去腫兼醒神。
黑眼圈修正筆含脂質縮氨酸及甘草精華等，配合滾珠筆頭，可促進微循環，有效平衡色素及淡化眼圈。質地超爽，用後感覺滋潤又幼滑。
Illuminating眼部修護精華含植物成份及粉紅色素，有效紓緩眼圈兼有折射光線作用，令皮膚睇落更柔滑。幼滑質地幾快吸收，淡粉紅效果有遮瑕作用。
眼部修護精華素組合，含維他命、美白因子及青瓜粒子等，有效防UV、保濕紓緩及淡化黑眼圈。日間精華素質地清爽，用後皮膚柔滑又滋潤。
女人最怕出現眼袋、眼圈、幼紋等「礙眼」症狀，要雙眼精靈有神，其他靚女又有甚麼電眼貼士？
資生堂及PN（25252522）
Biotherm（22657983）
Chanel（22658632）
Origins（21159691）
Pond's（28382083）
TheBodyShop（25723378）
