薛家燕（好姨）、Twins和Boy'Z等，前晚出席無綫《2004兒歌金曲頒獎典禮》，部份歌手如E-kids、吳日言都有參加開場演出，但後來知道沒獎攞，即毫不畀面離開，而Twins就奪得兒歌金曲金獎。
薛家燕、方力申、沈殿霞、楊思琦、Cookies、Twins、Boy'Z、E-kids、Sky、吳日言和楊天經等，前晚在將軍澳電視廣播城出席《2004兒歌金曲頒獎典禮》。E-kids、吳日言和楊天經等沒有獎的歌手，做完開場表演便即時離開。
Twins憑兒歌《齊來手牽手》奪得兒歌金曲金獎、Cookies憑《WonderfulLife》取得兒歌金曲銀獎，而Boy'Z則憑《繼續跅跅步哈姆太郎》得到兒歌金曲銅獎，好姨和一對子女合唱的兒歌《寸草心》亦取得「最受爹哋媽咪歡迎兒歌大獎」。好姨表示將於本周五到醫院為視網膜脫落的雙眼做手術。
有指葉璇被擯出做無綫下月協力製作的《京港同心迎北京奧運》晚會和《奧運金牌大滙演》，方力申對此說：「如果公司唔畀佢做，一早就唔畀，都唔會臨時飛佢。」
而對於有指房祖名媽咪林鳳嬌不喜歡鍾欣桐（阿嬌），阿嬌前晚便說：「我唔介意有呢啲傳聞，我半年前同佢食過飯，我覺得祖名媽咪份人好大方同有教養，係一個好得體嘅人。」
此外，Twins昨日在港台出席「精靈一點——眼睛健康知多少調查」，二人更接受眼科檢查。阿Sa表示自己有時會「鬥雞」眼，她說：「我兩隻眼分別近視同遠視，又有散光。我對眼敏感唔可以戴隱形眼鏡，所以有時朋友喺街撞見打招呼，我都見唔到。」
採訪：胡比
攝影：仇志德
