白鴿黨上一輪日日俾人抹黑，搞到鄭家富都冇好日子過。佢同八方講，佢前日喺將軍澳寶林地鐵站派傳單嘅時候，忽然有三個維園阿伯式嘅人物出現，圍住佢，不斷當口當面叫佢做民主叫雞黨。
鄭家富話佢起初都不以為意，繼續笑笑口同啲居民握手，不過，嗰三個人重係唔肯放過佢，繼續破口大罵，之後一段時間先至肯走，但係重一邊上車一邊鬧。
好彩最後有幾個街坊唔抵得，上咗車之後幫鄭家富鬧番佢轉頭，重打番電話講番畀鄭家富聽，叫佢唔好咁嬲。
八方問鄭家富，呢啲日子點過，佢話，咪「艱苦我奮進，困乏我多情」，呢首係中大新亞校歌，鄭家富有好多同學係新亞畢業，所以都識唱幾句。
傳真︰2623-9278
電郵︰