《花樣年華》跟蹤版
杜可風偷拍三浦理惠子出浴

喺日劇《巨星夫婿》中飾演竹內結子三家姐嘅日本女星三浦理惠子，早前同攝影師杜可風合作，拍咗輯全裸寫真集《月刊三浦理惠子》，並將會喺下月十號推出。而噚日啱啱出版嘅日本雜誌《週刊Post》，就搶先刊登咗部份相片，重訪問咗三浦同杜可風。
攝影師杜可風喺呢輯寫真入面大玩電影《花樣年華》概念，以丈夫跟蹤偷情老婆為主題，勁有偷窺feel，不過服飾方面就好唔同，三浦唔止冇着旗袍，重會剝光豬上陣。喺寫真入面除咗有三浦大露背嘅出浴照外，重有佢嘅全裸照。而杜可風重大讚三浦嘅裸體非常靚，充滿魅力，重表明希望可以再同佢合作。

朋友介紹下相識
杜可風喺拍攝完《2046》之後，喺今年五月用咗兩日時間為三浦拍攝呢本寫真集。據講早喺○二年，杜可風透過朋友介紹而認識三浦，促成今次嘅二人合作。