奧運會昨日凌晨閉幕，一直備受批評的無綫主持，在節目尾聲細訴感受，身在雅典的葉璇說：「我覺得真係一生難忘嘅一次經歷，第一次做運動會就做奧運，好大挑戰、好高難度，亦都學到好多嘢。」
而許志安說：「我覺得最大嘅得着係嚟自運動員，我吸收到一句嘢就係永不言敗。李小鵬第一跳唔係咁好，但係可以喺短短一分鐘之後跳得非常好，畀我嘅感覺係原來開頭做得唔好唔緊要，我哋盡力做好佢。」
無綫直播奧運開幕禮時，主持因廢話連篇和不夠專業而捱批，但無綫已即時改善。無綫昨日凌晨直播奧運閉幕禮，觀眾投訴明顯較開幕禮少了。
不過，影視處昨日仍接獲六宗觀眾投訴，其中主持鍾志光講錯了中國國旗上五粒星的意思，指它們代表秋收和光明，但五星旗上的大五角星是代表中國共產黨，其餘四小星則代表工人、農民、城巿小資產和民族資產四個人民階級。