楊采妮昨日在中環出席化妝示範活動，任代言人的她穿上十年前的舊裙子，身形、風采更勝當年。楊采妮透露除做運動保持體態外，吃豆腐和飲薏米水亦很有效。
楊采妮（Charlie）昨日以化妝品牌Lancome代言人身份，到中環HelenaMay與十四位模特兒一同示範Lancome全新唇彩系列。
Charlie穿上桃紅色單肩裙，亮麗動人，她說：「呢條裙喺十年前訂做，之後我一直keep住，今次大會話要着粉紅色，我就諗到佢。我好鍾意線條簡約、爽朗嘅款式，好彩都好fit，唔使改。」
Charlie表示由當年做歌手到後來轉任形象設計，一直有收藏衣服習慣，她說：「我屋企係兩層，上層天台有幾個大櫃放衫，我會keep起有價值嘅衫。近年就開始鍾意自己畫圖，搵裁縫師傅做衫，因為咁啲衫會fit自己身形多啲。」
十年來身形沒變，Charlie歸功於勤做運動，平日做瑜伽，出trip則在酒店游泳，行李箱內更長備一套運動服，Charlie說：「我經常食豆腐、飲薏米水，呢啲又平又簡單，好有益。」
復出後的Charlie工作不斷，近期又忙於在北京拍攝徐克新片《七劍》，她謂經常騎馬、練馬術弄致損手爛腳，更被劉家良要求紮馬、熱身一小時。
而出席活動的名模蔣怡、AnaR.和周汶錡等則大談雅典奧運，蔣怡表示不贊成中國奧運金牌選手來港表演，她說：「運動場先係最能發揮運動員魅力嘅地方，雖然可以畀香港人近距離接觸佢哋，不過咁辛苦先比賽完，應該畀時間佢哋休息，或者返屋企見吓家人。」
採訪：MaggieFung
攝影：RickyChan
