現年十七歲嘅日本性感女星岩佐真悠子最近出咗全新寫真集《岩佐真悠子'04夏》，今次佢重搞搞新意思，拍咗輯充滿故事性嘅寫真。佢要到酒吧扮陪酒女郎賣笑，但當遇到有鹹濕客仔想抽佢水時，岩佐會即刻出拳還擊，盡顯巴辣本色。
岩佐喺寫真入面化身做索爆陪酒女郎，佢一時着住套金色比堅尼，喺酒吧枱上大跳豔舞，一時又換番條綠色吊帶迷你裙，落場招呼客人。雖然岩佐重未成年，但佢做起陪酒女郎嗰陣，一啲都唔比喺夜總會打滾多年嘅紅牌阿姑輸蝕。佢坐枱嗰陣亦十分識做，不時酥胸半露，𠱁得班客仔鬼咁開心。岩佐見班客仔咁興奮，於是主動幫客仔調酒切蛋糕，最後重親自餵埋蛋糕同蛋卷畀客仔食，試問有邊個出嚟蒲嘅麻甩佬，碰見咁熱情嘅陪酒女郎會唔冧先？
不過，岩佐都有佢嘅底線，唔會無端端蝕底畀人。當佢俾客人鹹豬手摸大髀時，佢會即時捉住對方打鑊甘，重將枱面嘅蛋糕掟向班鹹濕佬度洩憤，搞到其他同佢一齊陪客嘅姊妹鬼咁尷尬。睇唔出嬌滴滴嘅岩佐，原來發起惡上嚟，都幾得人驚！