馬會噚日響沙田馬場舉行「馬主歡樂嘉年華」，有攤位遊戲、騎師競跑及馬匹試閘等節目。今屆嘉年華有一點同往年非常唔同，就係只邀請馬主同佢哋嘅家人參與，普羅馬迷就冇份玩。
身為馬主協會主席嘅劉錫康（圖）噚日隻身到場，佢話由於接受澳門馬會方面邀請，要趕住出席晚上響氹仔馬場舉行嘅馬主協會盃頒獎儀式，所以冇帶女兒去沙田玩。劉錫康大讚香港馬會今次將嘉年華搞得相當成功，皆因馬主每年起碼要畀養馬費十八萬港元，馬會好應該給予馬主多啲福利，今次嘉年華只准會員同家屬入場，可以令班馬主有番份優越感，佢重話馬會揼本改善馬主廂房設施同重建沙圈，更係一項德政。
傳真︰2623-9278
電郵︰