十二位準亞姐昨日於西貢接受訓練，其中9號陳美君因身體不適而未能出席。大會找來名模蔣怡（CoCo）教授她們行catwalk的要訣，問CoCo各佳麗的質素如何時，她說：「6號王慧同12號黃淑玲就幾好，佢哋以前都行過catwalk，所以教得冇咁辛苦，其他佳麗冇經驗就會辛苦啲，不過佢哋都算學得快。」
3號許迪慧被問到契媽黃夏蕙被禁制到醫院探望胡百全一事，她說：「我唔識睇中文報紙，不過我未陪過佢去醫院，我身為後輩唔方便評論。我噚日都有同契媽食飯，佢好好，我哋都有傾偈，但冇講呢啲嘢。」
此外，8號吳嘉儀被指貌似容祖兒（Joey），但她自覺不似，她說：「我覺得Joey以前麻麻哋，𠵱家就好啲。」