鮑參翅肚，鮑魚排第一，可想而知幾矜貴。八方噚日就有幸見到一座由半噸重，一共二萬四千多隻鮑魚堆成嘅鮑魚山，地點係安記海味喺會展搞嘅千人講座，行政總裁潘權輝重話要申請為健力士世界紀錄。
有位廚師喺台上教人煮鮑魚時話，財政司司長唐英年前排同佢訂咗幾枱鮑魚宴，重食咗好多斤鮑魚，真係富貴。唉，一啲富豪式嘅生活，對一啲有錢人嚟講，係日常生活，但對一啲小市民嚟講，只係一場春夢。
（圖）安記海味行政總裁潘權輝話要將呢座鮑魚山申請入健力士世界紀錄。成啓聰攝
傳真︰2623-9278
電郵︰