李玟早前與男友Bruce拖手到賀楊其龍生日，認定對方身份，前晚她在銅鑼灣任模特兒示範全新珠寶腕表。熱戀中的李玟三句不離男友，更表示將早前獲贈的名表送予對方，得到男友送上星形鑽石頸鏈回禮，令她甜入心。
李玟（Coco）前晚以名人大使身份，到銅鑼灣為Omega（歐米茄）示範首飾及腕表系列。
Coco穿上淺黃色低胸裙，演繹全新的Griffes、Omegamania黃金首飾以及價值近十二萬元的新表，盡顯雍容貴氣。
Coco表示上次獲大會送贈名表，所以今次義務上陣，她說：「佢哋平時成日贊助我，屋企人買嘢都有discount，冇計啦。上次送嘅表我已經轉送咗畀男朋友，佢就送番一條星形鑽石頸鏈畀我，因為佢知我鍾意星星。」
Coco透露近期主力在內地工作，稍後將會到西安與周杰倫開演唱會。提到早前周杰倫揶揄觀眾口臭，Coco大表詫異說：「唔係啩？玩吓啫，有時藝人唔係好嚴重嘅玩笑，都會好易俾人誤會，我同歌迷有時都玩得好癲。」
Coco又透露忙於年底推出英文碟，她說：「今次封面好大膽，又加咗好多電腦效果。」問她是否全裸拍攝？她即說：「唔講得住，不過男友對我性感都好支持，佢應承會買多啲碟捧場。」Coco三句不離男友，問她可有結婚打算？她說：「啱啱開始交往咋，唔會諗咁長遠囉！」
採訪：EddieWong
攝影：EdwardChou
