陳慧琳（Kelly）前晚出席《903萬人迷大作戰》，請來形象指導兼舊同學Celia出任嘉賓，Celia大爆Kelly求學時期極多男友，還有老師單戀她呢。
陳慧琳前晚到九龍灣展貿出席商台《903萬人迷大作戰》活動，邀請了相識二十年的好友兼形象指導Celia出任嘉賓，結果遭她大爆情史。
Celia聲稱Kelly男友多到數不清，據她所知起碼超過十個，Celia說：「佢好多人追㗎，我見過嘅都有幾個，衰男人都有，不過好快就會唔見咗，俾Kelly飛咗囉。」
Celia又大爆求學時期曾有一位教化學的男教師暗戀Kelly，她說：「個老師叫ET，高高瘦瘦四眼嘅，成日叫Kelly起身答問題，一唔識答就要罰企，搞到Kelly面紅，係人都feel到個阿sir鍾意佢啦。」Celia表示Kelly現時與男友偶爾也會吵架，但都只是屬於小事，日後Kelly結婚，她亦會為好友設計婚紗。
對於被好友踢爆男友多到數不清，Kelly接受訪問時否認說：「好誇張，數埋都唔夠一打，我好內斂㗎，細個時啲男仔示愛未埋嚟已經嚇死我呀，個阿sir我真係feel唔到喎！」
此外，前晚Kelly的歌迷上台讀信支持偶像，更表示即使Kelly退出娛圈，他們的子女亦會支持她，令Kelly忍不住流淚，她說：「我唔係不久退出，但總有呢一日，未知幾時，我結婚都未必退出，生仔就會。」
Kelly自言仍未與男友傾過結婚問題，每次試探對方時，都只換來一個偷笑的表情，Kelly說：「我只係想睇吓係咪同我一致啫。」
採訪：馮美茵
攝影：何國豪
