似模似樣超級無敵大餅印

各位小蘋果，大家重記唔記得早前舉辦嘅「超級無敵大餅印」招募比賽呢？經過幾個星期不斷收到你哋嘅來信後，係時候決定誰是最佳餅印組合。今次比賽水準非常高，超過8成來信以母子或父子作配搭，還有爺孫、叔姪等罕有組合。事不宜遲，要揭盅「餅印之最」的得主誰屬了！

記者：餐蛋麵

徐雋軒（4歲）
關係：母子
「我同媽咪一樣有領導能力，喜歡主動結交大小朋友，即使當眾唱歌表演都唔怕醜。我同媽咪嘅衣着品味一樣咁有Taste，出到街經常俾人讚我哋好似樣。」
小評
咁落力設計造型，連額上個S字都咁襯，夠晒心思。

LeeSingChit（1歲）
關係：父子
「我同爹哋都係名副其實嘅光頭仔，最鍾意孖鋪瞓覺，經常都要爹哋攬到實一實先可入睡，我哋連睡姿都一致，係咪好有型呢！」
小評
大人細路都咁有表演慾，扮瞓覺扮得咁出神入化，犀利！

最合拍
睡姿一致

李延軒（6歲）
關係：父子
「我和爸爸最相似的地方，就係鍾意戴帽，屋企大大話話有幾十頂，最鍾意係橙色！更難得係影親相都擺出燦爛笑容。有相為證㗎！」
小評
一個笑容足以令世界更美麗，看李延軒兩父子，感覺到嗎？

最佳笑容
戴帽父子兵

「我同爹哋都古古怪怪動作多多，唔少親戚都話我哋嘅眼神和鼻子最相似，唯一不同可能係頭髮嘅分界方向啦！」

「沉甸甸的眼袋可見我哋兩爺孫的關係非比尋常，大家都係戴眼鏡一族，但我最唔想將來好似爺爺咁甩掉頭髮！」

組合隊伍

「我哋兩兄弟無論樣貌同性格都好一致，就講手上面嘅龍貓，係我哋兩兄弟用以維繫感情的主要途徑；兩個企埋一齊更加難以分辨啦！」

「額頭高高且有一把柔順頭髮，就係我同媽咪嘅標記，好多人都話我哋個嘴唇最似。平日我最鍾意叫媽咪抱抱。媽咪，分分鐘需要你。」

「有次同姐姐去學整壽司時一齊影相，為表達姊妹情深，決定擺個鼓腮兼笑容滿面嘅Pose，成條雞泡魚咁。」

「睇見爹哋咁肉緊攬實我哋兩兄妹，就知我哋三位一體！講到食我哋都係專家，尤其係Buffet自助餐就最啱。」

「我身為大哥，今次由我統領妹妹同細佬一齊影相。你睇，細妹個鼻+細佬嘴唇+我隻耳朵，就集合成媽咪嘅化身啦！」

「家姐同我最似媽咪嘅係對靈魂之窗！我哋成日都鍾意跟住媽咪周圍玩，遇到開心唔開心嘅事情，都會講畀媽咪聽。」

登登登櫈大禮物
今次「超級無敵大餅印」的得主係徐雋軒小朋友，你將會得到由萬信有限公司贊助的孖寶微型賽車。玩法好簡單，透過無線遙控器操控車輛速度及方向，轉彎容易又易玩。徐雋軒小朋友請留意信箱啦！