譚詠麟（阿倫）被雜誌拍得跟女友朱穎婷（Wendy）與兒子譚曉峰到泰國旅行，但他昨日出席港台活動時繼續否認有兒子。陳百祥（阿叻）指阿倫為人「不孝有三，無後為大」，但又幫阿倫解圍說：「其實（個仔）係我至真。」
譚詠麟、陳百祥、張智霖、戴夢夢和女子組合Cookies等，昨日出席港台「開心日報——開心慈善行車日」活動，阿叻更請阿倫的臉「食蛋糕」，眾人玩得很開心。
昨日有雜誌刊登阿倫與女友Wendy及一小童去泰國旅行的照片，問該男童是否其兒子，怎知阿倫說：「泰國好好玩，其他嘢就唔知。」問到阿叻可知阿倫有個兒子，他不忘為老友辯護說：「我印象中冇呢樣嘢，我口臭絕子絕孫，但阿倫就不孝有三，無後為大。佢喺記者面前撐到行，你哋話係都係屈佢啫。總之你哋點寫同我冇關，亦唔會告你誹謗。」
記者又不停問阿倫會否像成龍一樣，待兒子長大後才公開關係，阿倫即翻一翻白眼說：「無可奉告，如果讀者覺得件事多姿多采，叫佢哋自己去推斷。」阿叻見記者不停追問阿倫，即走過去解圍說：「其實（個仔）係我至真。」
張智霖表示昨日三十三歲生日，他說：「我好開心歌迷同我講話捐咗錢去紅十字會，佢哋做善事呢份生日禮物好有意義。」而有指Cookies的歌迷在網上大罵女生宿舍，Cookies說：「應該唔係我啲歌迷，我哋一向好嚴厲教佢哋要有禮貌。」
採訪：胡比 攝影：仇志德
