梅艷芳母親覃美金近日與兒子梅啟明頻頻出席公開場合，又致電阿梅生前的親朋戚友，希望為即將舉行的籌款齋宴造勢。
昨日梅媽接受新城訪問時說：「我有嘅電話都會打，唔通知又話我唔尊重，佢啲徒弟我都有通知，但係就冇人打過電話畀我，係咁㗎啦，人在人情在。」
問梅媽有否聯絡劉培基及阿梅生前經理人王敏慧？她勞氣地說：「呢啲咁嘅人，我唔會打電話，你睇我唔起，我更加睇唔起佢哋！」
不過，昨日本報接獲匿名信，信中內容對梅媽的財政狀況提出質疑，指梅媽將其保險金花在其創立的防癌會，但該會於去年已半解散，僅得兩名職員工作，而且該會又為政府非牟利機構，每年亦有賣獎券籌款，故質疑梅媽的帳目情況。