噚日中港兩地出現超緊密關係，特區政府高層要空群而出，分工負責款待各方貴賓。首先係董特首要迎接鄧氏家族，來港主持「世紀偉人──紀念鄧小平誕辰一百周年」展覽開幕禮；政務司司長曾蔭權就負責接待廣東省省長湯炳權率領嘅「廣東企業投資香港考察團」，向國內企業大力推介來港設點投資，協助國內企業開拓國際市場同時，又可以增加本港嘅就業機會；而財政司司長唐英年則為「廣州經濟社會發展情況介紹會」作主禮嘉賓，廣州市喺二○一○年舉辦亞運會，為港商帶來總值二千億元人民幣嘅新投資機會。
但咪以為各高官過埋呢幾日就搞掂，因為下周北京市政府又會為二○○八年奧運來港，帶來逾千億元項目向港商招商。加埋宣布中期經濟報告，又上京簽「屍爬」，實在未忙完。
點解咁多嘢一齊嚟？當然係為咗做好個市，迎接選舉。各位股市淡友，小心。
傳真︰2623-9278
電郵︰