荷李活黑人男星丹尼高化（DannyGlover），前日喺華盛頓嘅蘇丹大使館門外參與抗議活動嗰陣，俾美國特工處拘捕。原來丹尼高化前日同埋一班示威者喺大使館門外大嗌口號，要求國際介入蘇丹首府達爾福爾，解除迫使非洲村民流離失所嘅阿拉伯民兵武裝。因為當局擔心抗議者有進一步嘅行動，所以將丹尼高化用手銬鎖返警署，重將會以行為不檢同非法集會兩項罪名起訴佢。