任賢齊十分期待即將與影帝梁朝偉合作拍攝的賀歲片《韓國攻略》，小齊力讚對手是位好演員，無論任何戲種，他都能發揮得很好，希望能與他擦出火花。
任賢齊近年忙於發展其電影事業，今年他再次成為賀歲片的主角，還會夥拍影帝梁朝偉，合演一套動作喜劇《韓國攻略》。
雖然小齊並不是首次與偉仔合作，但今次的壓力特別大，小齊形容偉仔是個很好的演員，無論是甚麼戲種的電影他都能發揮得很好，小齊說：「我記得第一次同偉仔合作係電影《玻璃樽》，嗰時我第一次拍電影，所以冇壓力，佢又可以帶到我入戲，合作得好開心，所以我都好期望今次嘅合作，雖然有壓力，但我都希望可以擦出火花。」
另一個壓力當然來自票房，雖然近年電影市道重拾生氣，但小齊仍然非常擔心，他說：「賀歲片嘛！大家期望當然都是很大，所以我都會畀心機做。」小齊很想知道觀眾想看甚麼類型的電影，他說：「其實我都想拍一套可以令到啲女仔拉住男朋友陪佢睇嘅戲，因為我都幾鍾意拍愛情片。」
其實小齊有份參演的電影《203040》便是他所說的片種，他在片中飾演張艾嘉的小男友，小齊尷尬地說：「原來有咁多人睇過呢套戲，我𠵱家都唔敢睇，但好多人都同我講我做得幾好，連芳芳姐（蕭芳芳）都讚過我，其實我覺得拍呢啲親熱戲真係幾尷尬，但我覺得一個演員係要做好角色。」
採訪：胡比 攝影：何國豪 服裝：Bauhaus
Hair:CliffChanbyHairCulture MakeUp:AngleYip
