一向默默耕耘、作風低調嘅浸大社會工作系助理教授黃威廉，自從北上參加學術會議期間涉嫌嫖妓被捕而聲名大噪之後，作風比前更加低調。臨近開學，黃教授噚日需要返校備課，但係有記者喺佢辦公室門口守候採訪，佢為咗避開傳媒，惟有終日留喺學校圖書館裏面。
不過，啲記者又真係好想見佢一面，於是乎一名本身係浸大學生嘅見習記者，收到風黃教授現身圖書館之後，就直頭入圖書館尋人。黃威廉亦好有風度，應傳媒要求走出圖書館，任影唔嬲，不過就唔肯再提北上被捕事件喇。
（圖）黃威廉噚日返浸大，對於自己喺北京被扣留事件，話冇嘢講。
傳真︰2623-9278
電郵︰