今年立法會選舉法律界雖然有三個女將角逐，不過選情依然淡靜，事關吳靄儀實力太強。噚晚電視直播法律界選舉論壇，候選人之一湯棋淯缺席，剩番鄺家賢單挑吳大狀，吳靄儀由頭帶到尾，論壇內容冇乜料到，反而台下助選團嘅民主女神余若薇同法律講師張達明好似去《勁歌金曲》啲Fans，高舉兩張標語幫吳靄儀打氣，但就冇搵標語遮面。
另外，最近政商界炒得好熱嘅「全民黨」，除咗前民航處長樂鞏南認咗之外，冇乜人肯認加入；而除咗之前TOM集團首席執行官王兟否認之外，噚日剛剛放完兩星期大假嘅廣管局主席，傳聞有份入「全民黨」嘅馮華健亦透過助手，第一時間否認有份籌組，亦冇加入、冇聽過有關傳聞，呢個黨真係騎呢，究竟為乜有個黨，會冇人肯認呢？
傳真︰2623-9278
電郵︰