噚日八方同美資證券行大摩嘅亞洲區主席文禮信同枱食飯，席間佢大談啱啱去咗智利沙漠嘅經歷。原來佢參加咗一個全球步行競賽，一年內要分別去四個地方參賽，佢舊年底去咗內地西域嘅戈壁沙漠，上個月就去咗智利，之後要再去非洲撒哈拉沙漠同埋南極洲，可以話冷熱齊全，鍛煉體能同意志。每次行程成二百五十公里，差唔多係毅行者一倍。
文主席話，最深刻嘅體驗係成個星期放低所有工作，乜都唔諗，好似喺四野無人嘅戈壁沙漠，真係可以反省一下人生意義。
不過，要參賽除咗體能了得外，更要有米，因為參加費近二萬元，所以參加者大多係世界各地嘅專業人士。
若有興趣知多的呢個「貼錢買難受」嘅競賽，可瀏覽
傳真︰2623-9278
電郵︰