林韋辰昨日表示自○一年由亞視跳槽至無綫後，三年來彼此合作得並不愉快，又投訴在無綫工作期間經常遭投閒置散，令他「飯都冇得開」，而且很多時派演的角色亦不討好。
身為香港藝人高爾夫協會正、副會長的秦沛和林韋辰，昨日齊往尖沙嘴出席一個高爾夫球活動。亞視出身的林韋辰昨日表示近日約滿無綫，因在無綫工作期間不受器重，有意重投亞視的懷抱。
林韋辰最近跟亞視洽談合約，昨日被問到進展如何時，他說：「經理人兩個台都有同我傾，我𠵱家好慘，窮到飯都冇得開。」林韋辰在無綫工作三年，竟換來滿肚牢騷，問到他有何不滿時，他說：「講真都幾唔滿意，亞視就畀到飯食，亞視啲飯好似飽啲，我講笑咋！」
其後林韋辰又說：「演員梗係希望演好啲嘅角色，我幫無綫拍嘅劇集好似《推理家族》、《鄭板橋》同《楚漢驕雄》咁，啲劇拍咗唔出街都冇意思，有啲監製搵角色時，佢哋同我講話有新嘗試，我覺得好討厭。新嘗試如果係情慾戲都冇問題，反而係個角色會破壞人哋啲行業形象。」林韋辰即舉例近日在無綫劇集《棟篤神探》中，他飾演的保險公司高層便十分好色。
林韋辰說：「呢個角色係咪需要我做，係咪需要咁樣做法，作為一個大台，係咪拍之前要老實少少講清楚？我收劇本時都唔知個角色係點，拍緊先講，咁就唔係幾好，唔係大公司所為。就算套劇收視好，但都要對得住社會良心同責任，咁樣做冇得益。」
此外，香港藝人高爾夫協會計劃下月十七日在內地籌辦慈善高爾夫球比賽，為內地失學兒童籌款。
採訪、攝影：馮美茵
