傅明憲和何超瓊前晚到金鐘出席ChristianDior新香水晚宴，二人不約而同以Dior秋冬新裝亮相，傅明憲那襲雪紡裙，更是四十八小時前才空運抵港，而熱愛動物的她已戒買皮草，她又透露將出錢出力拍攝保護動物的宣傳短片。
法國名牌ChristianDior前晚在金鐘香格里拉舉行「Beauty&theBeast」晚宴，宣傳全新PurePoison香水系列，到場的傅明憲和何超瓊均以最新ChristianDior秋裝到場。
身穿ChristianDior淡黃色雪紡裙到場的傅明憲，相當搶鏡，她並自稱以約值六位數字的vintagestyle鑽石耳環作配，她說：「真係好彩！件衫一早訂咗，啱啱喺四十八小時前先運到香港，趕得切着嚟呢個dinner。不過一返到屋企我就會即時除低，唔係就好易俾啲狗𢱑爛。」
傅明憲表示售貨員經常為她預留靚衫，熱愛動物的她說：「Sales知我唔着fur，連所有furtrim嘅外套、背心都唔買。我以前買落嘅mink同fur都冇再着，擺喺櫃度當警惕自己，我想起帶頭作用，唔想殺生。」
不過，傅明憲表示不會學外國人裸體示威，反而會以軟性方法宣傳，她說：「我會幫亞洲動物基金會拍一個新嘅宣傳短片，我有份出錢投資同出鏡拍攝，大約十月份播。」
至於何超瓊穿上的Dior粉紅satindress，價值二萬六千五百元，今天四十二歲生日的她表示會與家人食飯度過，父親何鴻燊則依習俗給予利是一封，問她生日願望時，她說：「樣樣順順利利啦，事業為先，𠵱家都冇人追，不過好多朋友陪，都唔會悶。」
採訪：JessicaNgan
攝影：ChenWaiOn
