汽車廢氣係港產空氣污染物最大嘅兇手，為咗挽救我哋嘅空氣，地球之友主辦「太陽能車巡迴展2004」，由噚日起一連三天喺鑽石山荷里活廣場展出五架太陽能車，推廣使用再生能源嘅訊息。呢五架無污染太陽能車都係上屆「太陽能車大賽」得獎設計，當中一架係香港大學十個機械工程系學生所創造，有份設計這呢架車嘅學生李浩楊及張家興認為香港空氣污染嚴重，真係要人人出一分力先至得。一班比佢哋年紀小一大截嘅小童軍都響應加入環保行列，做巡迴展嘅宣傳大使，重嚟咗一招香車美「童」，謀殺記者菲林，提醒大家千祈唔好污染！
（圖）太陽能車巡迴展請來一班小童軍宣傳環保。圖為F-1太陽能車。
梁佩潔攝
傳真︰2623-9278
電郵︰