呢兩年輕巧DC發展迅速，新型號新機種不停狂出，像素提升外連最麻煩嘅光學變焦鏡都有埋，不過就算一眾細機配有光學變焦，由於機身所限，頂多都只得3×，連X50嘅潛望鏡原理都唔例外。而RICOH就突破慣例，最新嘅DCCaplioR1就配備最新變焦技術，透過一組機械伸縮原理，將3×光學變焦極限提升至4.8×，配埋3.6×數碼變焦，總共可達17.3ｘ變焦效果，以後隨手影SnapShot都影得遠啲啦。
CaplioR1配有400萬像素CCD，其他規格比標準稍勝，如ISO800、1cm超微距攝影、0.8秒快速開機等，整體嚟講算合格有餘，睇埋售價，已可列入抵玩之選。CaplioR1同時推出銀、黑機身，9月3日先喺日本推出，預計售價約42,000日圓（約港幣$2,982），相信水、行貨都好快返貨，想換機就要昅實喇。
記者：徐影龍
相關網址：
