由揸鑊鏟炒餸轉為炒樓起家嘅黃坤，九七回歸時係樓市大好友，旗下嘅明珠興業市值更一度升至三百億元規模。不過，隨着亞洲金融風暴同八萬五推出，公司債務纏身，三年前佢找來民企新銀集團救亡，並自行引退。近期佢重出江湖，執掌另一上市公司大華國際，噚日出嚟主持股東大會。
佢同八方講，付出過沉重代價後，佢已吸取好大教訓，今後打理大華業務，首重財務穩健，絕對唔會過份借貸，負債比率唔會超過總資產嘅兩成；其次係唔會將所有資源集中在一個行業，要分散業務；重有確保多啲現金流，咁就唔會面對突然逆境時缺錢。
雖然佢今年已經五十六歲，但佢話自己心境好似二十八歲，仍然咁拼搏，返工時間朝八晚十，希望至少做多十五年，再幹一番事業。
（圖）黃坤話自己心境好似二十八歲，仍然咁拼搏。
傳真︰2623-9278
電郵︰