Boy'Z成員張致恆（Steven）昨日帶同花束和雞精回觀塘翠屏邨寓所探望日前因服食過量安眠藥而入院的母親，之前Steven接受電台訪問時還點歌送給媽媽。對於有傳其父爛賭，Steven則說：「呢啲係大人嘅事，唔到我哋理。」
組合Boy'Z成員張致恆的母親邱伊愛麗早前因服食過量安眠藥而被送入院，幸已無大礙回家休息。Steven和其拍檔Kenny昨午五時許帶同花束和雞精返觀塘翠屏邨探訪母親，逗留個多小時後，Boy'Z便離開，Steven更手持母親為他準備的蘋果雪梨水和湯包。
Steven表示母親精神狀況不俗，他說：「我上到去佢啱啱瞓醒，重問我工作辛唔辛苦，不過佢見到我好開心，媽咪都同我講佢係一時唔開心先食藥，但我唔會再問佢，過去由得佢過去。」
而Steven探望母親前仍連趕兩個活動，Boy'Z先與林一峰做義工探訪屯門仁愛堂中心，談到有報道指Steven的父親因豪賭，令其母非常擔心，又指Steven已與父親斷絕關係，Steven說：「呢啲係大人嘅事，唔到我哋理，至於佢係咪有好賭習慣，其實係人都會賭啦，佢可能係小賭自己玩吓，我唔清楚。」
那其母是否因擔心丈夫賭錢才仰藥呢？Steven說：「阿媽冇同我講，但因為佢收收埋埋，冇講畀人知，佢話擔心我哋，可能係擔心老竇，所以要問番佢。」問Steven有否為父親還賭債，他說：「冇幫佢還賭債，只係每月準時畀家用。」問他與父親感情如何？Steven起初輕描淡寫地回答：「父子囉。」其後補充說：「大家好似朋友，食完飯睇電視傾吓偈，家庭經濟都冇問題，只係佢做地盤唔係成日有工開。」
Boy'Z及後還接受新城訪問，其間Steven點了陳奕迅的《ShallWeTalk》給母親聽。問Steven為何選這首歌？他說：「因為好多人成日都收收埋埋，有事唔同人傾，其實應該同人分享。」
採訪、攝影：馮美茵、胡比、楊潔雯、駱華齡
