自從呢排接二連三爆出何偉途同涂謹申事件，有心水清嘅人就話，今次選舉，個名有個「途」字音嘅都要小心中招。𠵱家涂謹申出咗事，民主黨又搵咗黨鞭司徒華做三人調查小組主席，而華叔個名亦係有個「徒」字，到底係咁啱定係咁邪，八方都唔知道，莫非真係要嚟個民主黨「煎釀三徒」先至高興？
選舉前「途」字音嘅人多是非，既然講到似層層，即管睇吓有冇民主派候選人個名有呢個音，第一個諗起前綫嘅陶君行，個名有個「陶」字，應該係高危一族，不過好彩佢排大班條隊，大班殺氣大，可能壓得住。
咁當然，呢兩日電台所講嘅「煎釀三徒」，又同八方嘅版本有啲出入啦，因為有位姓陶嘅阿哥最近都成為城中熱話。
點都好啦，9.12立法會選舉投票前，各路人馬都要醒定啲，信吓邪嘞。
傳真︰2623-9278
電郵︰