灣仔皇后大道東一帶，一直是家具集中地，是周日閒逛的熱門好地方，如今連潮流家具店aluminium亦來這裏開設新店。
新舖新貨新包裝，主題"OldSchool,NewSchool"，其實是用經典設計配襯出新一代設計師作品，情形就如Undercover以孖女分別着正常版vs溶解版，大家都知主角其實係後者，結果亦一炮而紅，而且大賣。店主David：「70年代有石油危機，塑膠原料價格飆升，有關產品曾經停產。到最近家具廠又擔心油價高企，加上塑膠產品太易被抄襲，廠牌開始轉用木材及金屬等材料製作。」
經典已受肯定，毋須多介紹；相反科技新產品反應各異。例如ChairOne，「唔係好鍾意就係憎到死！」一齊來睇睇。
記者、攝影：何兆彬
以鋁製NavalChair作對比的這張ChairOne，令人想起蜘蛛俠。KonstantinGrcic設計，同樣以全鋁製作，由於多角、支撐點多，製作難度極高。
PhantomChair是舊一代多用途坐椅，新一代就是OtherOne/RoundOne。中間既可儲物，亦可反轉或作組件併合來使用，令人想起細個公園匿埋嘅巨型水喉管。
JeanProuve在日本大熱，連Nigo大爺都儲。其StandardChair似足學生櫈，原來1934年就是為南錫大學（UniversitairedeNancy）而設計。現代接班版本有這張Shira，方方正正，學校味十足。
70年代，細細個我哋坐抄TamTam的紅A膠櫈。今日有這套LookMe，96年發表後只有一年就入選三藩市現代藝術博物館。
從前有ArneJacobsen的Series7，55年出品有當年首屈一指的模製技術，線條美更經歷時間考驗。Gubi乃第一張3D立體模塑製作的現代作品，完全流線型曲線設計，睇落都知舒服好坐。
地址：
aluminium（25774066）
灣仔皇后大道東58~64號F舖地下