阿媽仰藥送院　姊弟口供唔夾
Steven：希望佢唔好諗唔開

Boy'Z成員張致恆（Steven）的母親邱伊愛麗前日服食過量安眠藥入院，幸無大礙。昨Steven指母親因擔心他在娛樂圈有太大壓力而仰藥，希望母親不要看不開。但其胞姊張詠恩卻指母親並沒壓力，二人口徑不一。

本報昨日報道組合Boy'Z成員張致恆的荷蘭籍母親邱伊愛麗（Elly），前日凌晨在寓所服下約三十多粒安眠藥，女兒張詠恩報警求助，幸其母送院後並無大礙。

「見過精神科醫生」
Steven昨接受電台訪問時，講述母親仰藥的原因，他說：「媽咪噚日下晝出院，亦見過精神科醫生，心情已經平復，喺屋企休息緊，我都有同佢傾過一陣偈。其實佢一直唔講畀我聽，佢係好擔心我做呢行，因為佢知道呢行好大壓力，加上我家姐都已經入埋呢個圈，佢驚我啲壓力承受唔嚟，而我又好耐冇同佢正式傾過偈，可能佢心情唔好，希望佢唔好諗唔開。」
Steven表示早前被公司雪藏和傳緋聞，添母親壓力。他表示抽多點時間陪母親，Steven哽咽着說：「我除咗會返去食飯之外，重會同佢傾多啲偈。」

「媽咪失眠嚴重咗」
而Steven昨並沒受到母親仰藥一事影響，照樣工作。他於下午三時多由助手陪同下回北角寓所取出旅行篋，到大坑接過拍檔Kenny後便往佐敦工作。
至於Steven胞姊張詠恩，昨日她於屯門黃金海岸拍攝無綫劇集。被問起母親的情況，兩姊弟的口徑並不一致，她說：「媽咪唔係有啲乜嘢壓力，因為佢失眠，啲藥係醫生開嘅，因為呢排媽咪嘅失眠嚴重咗，所以食多幾粒，唔係食三十幾粒，絕對唔係自殺。」
被問到事發經過時，兩姊弟的說法更有出入，張詠恩說：「媽咪唔係好舒服，過嚟話畀我聽，我知道後就即刻打畀Steven，佢錄完音都有趕返嚟，之後就由Ryan（Steven胞弟）送佢去醫院。」而Steven昨在佐敦完成工作後到荃灣時說：「我冇去探。」當記者問為何其姊指他有回家探望時，他仍堅持說：「冇。」其時有線娛樂台派出記者訪問他，他竟用廣東話接受訪問。
採訪、攝影：馮美茵、娛樂突發組