恒生銀行日前喺總行頂樓博愛堂，為兩位殿堂級元老──何添及利國偉，舉行咗溫馨而隆重嘅儀式，感激兩人大半個世紀以來，對恒生嘅貢獻，何、利二老今年四月正式退任該行董事，但應允出任銀行名譽資深顧問。何添為恒生創辦人之一，利國偉喺四六年加入該行。
與會人士約有百多人，包括恒生董事長艾爾敦、副董事長兼行政總裁鄭海泉，重有一眾董事及高級管理人員，何添、利國偉二人嘅太座及其他家庭成員，一齊出席見證呢個溫馨時刻，何添女兒朱何妙馨亦為座上客。
何、利二老精神相當好，現場不少賓客都拉住二人拍照留念。
（圖）恒生送嘅紀念品係恒生早期嘅木刻招牌複製品，同埋兩款行徽。
傳真︰2623-9278
電郵︰