前日去君悅個經濟峯會午餐會，見到董特首。佢除咗嚟打招呼，重發表咗一篇好長嘅演辭，八方覺得董生用英文致辭比用廣東話講好，雖然長而且冇乜內容，但卻博得一兩次笑聲，佢亦講得有信心啲。
講起董生，話說七姐誕當日，同事去半山姻緣石採訪，睇吓有冇善男信女去拜石，竟然見到董生同保鑣在半山散步，見到有記者影相，個保鑣重話「私人地方」唔好影。為咗呢件事，特首辦專登問過個保鑣，佢話可能記者聽錯，佢係講「私人活動」唔係「私人地方」。事實嗰度又點會係私人地方，講吓笑啫，冇需要澄清，反而要小心山賊就真。
傳真︰2623-9278
電郵︰